Pajisja me Certifikatë për Pilotët në Distancë A1/A3

Çfarë është Certifikata e Pilotit në Distancë
Kjo është një certifikatë që autorizon individët të operojnë Avion Pa Pilotë (UAS) për qëllime të ndryshme, përfshirë rekreacionin, fotografimin apo veprimtari tregtare në kategorinë e hapur. Të gjithë pilotët e UAS duhet të jenë të kualifikuar dhe të aftë për të përmbushur detyrat e tyre, duke ndjekur trajnimin përkatës dhe duke kaluar me sukses testimin e kërkuar.

Kriteret bazë për aplikim

• • Mosha minimale: 16 vjeç
• • Trajnimi: Kandidatët duhet të përfundojnë me sukses një test teorik online ose, kur është e aplikueshme, për të treguar njohuritë për operimin e sigurt dhe në përputhje me rregulloret. Materiali i trajnimit që rekomandohet para kryerjes së testimit online mund të shkarkohet dhe lexohet më poshtë:
  ACAA-DTL-GM9-RPT “Manual udhëzues për trajnimin e kandidatëve për patentën e pilotit në distancë” 

Faza e Aplikimit

1. 1. Plotësimi i formularit të aplikimit
   Formulari ACAA-DTL-RPCP-100 për regjistrimin në testimin A1/A3 duhet të plotësohet nga aplikanti në çdo fushë (përvec pikës 3 që plotësohet nga ACAA). Formularët e plotësuar në mënyrë të pasaktë dhe të paplotë nuk do të merren në shqyrtim.
2. 2. Dërgimi i dokumentacionit
   Formulari i plotësuar dhe dokumentet shoqëruese duhet të dërgohen me email në adresën:
    drone.licensing@acaa.gov.al
3. 3. Konfirmimi nga ACAA
   Brenda 10 ditëve nga marrja e dokumentacionit, ACAA i dërgon aplikantit një email konfirmimi me numrin referues të aplikimit.
4. 4. Fatura e pagesës
   Pas verifikimit të aplikimit, ACAA dërgon faturën për pagesën përkatëse, sipas Udhëzimit të Përbashkët Nr. 11, datë 24.12.2024 “Per tarifat qe zbatohen nga Autoriteti I Aviacionit Civil”
5. 5. Dërgimi i mandatit të pagesës
   Aplikanti duhet të dërgojë mandatin e pagesës me email, si pjesë e vazhdimit të aplikimit.

Faza e Testimit

• • Pas marrjes së mandatit të pagesës, ACAA i dërgon aplikantit linkun e testimit online.
• • Testi përmban 40 pyetje, secila me vlerë 2.5 pikë.
• • Për të kaluar, duhet të arrihen të paktën 70 pikë nga 100.
• • Rezultati i testimit do t’ju shfaqet automatikisht pas përfundimit të testimit.

Në rast dështimi:

• • Aplikanti njoftohet me email ose postë për rezultatin, duke përfshirë ekstraktin nga Microsoft Forms.
• • ACAA dërgon një version të ri të testit.
• • Nëse dështon përsëri, testi mund të ri-përsëritet pas 10 ditësh nga marrja e konfirmimit nga AAC.

⚠️ Kujdes: Pas tentativës së dytë të pasukseshme aplikanti duhet të riaplikoje sërish nga fillimi.

 

Pas Kalimit me Sukses të Testimit

• • Aplikanti njoftohet me email për rezultatin pozitiv.

• Certifikata e nënshkruar dërgohet me email.