Gjithmonë me dëshirën për të siguruar udhëtim ajror sa më të mirë, mirëpresim mendimin tuaj për 11 pyetjet me alternativa, që kërkojnë vetëm 2 minuta kohë, në linkun e mëposhtëm:
https://docs.google.com/forms/d/e/1FAIpQLSeOKmqTF5c9umZPpShT15MvGSnULM2yyjauG6S4_uS0zV_25A/viewform

Më 1 dhe 2 Korrik 2025, Autoriteti i Aviacionit Civil Shqiptar organizoi në Tiranë workshopin dhe takimin B2B të projektit ON CLOUD NINE+, të financuar nga Programi Interreg IPA South Adriatic.

Të dy aktivitetet bashkuan përfaqësues nga sektori i aviacionit, kompanitë e sigurimeve, turizmit dhe autoritetet publike nga Shqipëria, Italia dhe Mali i Zi, me synim forcimin e bashkëpunimit ndërkufitar dhe nxitjen e një modeli më të qëndrueshëm dhe gjithëpërfshirës të lidhjeve ajrore në rajon.

Workshopi u fokusua në harmonizimin e kuadrit ligjor mbi përgjegjësinë në transportin ajror dhe sigurimet për palët e treta, ndërsa takimi B2B shërbeu si një hap konkret drejt krijimit të partneriteteve dhe zhvillimit të itinerareve të përbashkëta turistike, të mbështetura nga lidhje të reja ajrore.

Drejtori Ekzekutiv i ✈️ Autoritetit të Aviacionit Civil, Z. Maksim Et’hemaj, mori pjesë në Konferencën e 14-të të Navigimit Ajror të organizuar nga ICAO.

Krahas pjesëmarrjes në ANC 14, ku u diskutuan çështjet globale të aviacionit civil, Z. Maksim Et’hemaj dorëzoi te Sekretari i Përgjithshëm, Z. Juan Carlos Salazar, instrumentat për aderimin e Republikës së Shqipërisë në protokollet për ndryshimet në Konventën e  Çikagos.

Gjithashtu, pati një 欄 takim me Drejtorin e Programit Universal të Mbikëqyrjes së Sigurisë në Operim (USOAP), Z. Saulo Jose da Silva, ku prezantoi përgatitjet e AAC-së dhe AKISA-s për misionin verifikues ICVM që do të kryhet nga ICAO përgjate muajit ️ Dhjetor 2024, në Shqipëri.

Të angazhuar e të motivuar për të qenë partnerë të besueshëm.

Sistemi i ✈️Aeroportit Ndërkombëtar të Tiranës nuk preket nga rënia e sistemeve kompjuterike globale, por vonesa pritet të shkaktohen nga “black out” në aeroportet e tjera.

Situata e krijuar mëngjesin e sotëm nga ndërprerje të funksionimit të sistemeve kompjuterike, në nivel global, që ka prekur shërbimin e sistemit të check-in dhe rezervimit, në disa aeroporte ndërkombëtare, nuk ka afektuar për momentin Aeroportin Ndërkombëtar “Nënë Tereza”.

Fluturimet e orareve të mëngjesit janë nisur në kohë dhe pa probleme. Kjo pasi Aeroporti Ndërkombëtar i Tiranës ka një sistem të dyfishtë, i cili mundëson funksionimin pa probleme të tij.

Gjithsesi vonesa pritet të shkaktohen në orët në vazhdim nga fluturimet që do të vijnë nga aeroportet e tjera në varësi të sistemeve të ndryshme të operimit.

Duke kërkuar mirëkuptimin e qytetarëve për këtë situatë të krijuar, ju lutemi të informohen në vijimësi përmes zyrës së informacionit të TIA për oraret e fluturimeve dhe ndryshimin e mundshëm të tyre.

Puna për ndërtimin e aeroportit ndërkombëtar të Vlorës po vijon me ritme të larta. Krahas pistës, po punohet edhe për ngritjen e të gjithë infrastrukturës aeroportuale që janë pjesë e këtij projekti madhor, i cili do të jetë gati në afatin që kemi premtuar, duke i dhënë #Vlorës, Shqipërisë dhe të gjithë rajonit një aeroport model i cili do të ofrojë shërbime të cilat kanë munguar deri më tani.

Shqipëria mirëpriti Z. Nicolas Rallo, Drejtorin e ICAO-s për Evropën dhe Atlantikun e Veriut. Në takimin me Zv. Kryeministren, ai u njoh me strategjinë e Qeverisë shqiptare për aviacionin civil si dhe projektet në këtë sektor. Z. Rallo kreu vizita në Aeroportin “Nënë Tereza”, Albcontrol si dhe në kantierin e Aeroportit të Vlorës. AAC dhe AKISA informuan për përgatitjen në lidhje me ICVM si dhe masat e marra për sigurimin e kapaciteteve, monitorimin e performancës së operatorëve dhe cilësinë e shërbimit ndaj pasagjerëve. Z. Rallo rikonfirmoi zhvillimin mbresëlënës të industrisë dhe siguroi mbështetjen për sfidat e së ardhmes, si ambjenti, burimet njerëzore dhe mbrojtja kibernetike.

Së bashku me Eurocontrol, Albcontrol, TIA dhe kompanitë ajrore që operojnë në Shqipëri, u diskutua mbi menaxhimin e fluksit veror 2024. Eurocontrol do të mbështesë rishikimin e kapaciteteve aeroportuale e të trafikut ajror, si dhe optimizimin e operimeve në funksion të pritshmërive të pasagjerëve dhe Operatorëve Ajrorë. Shqipëria shprehu dëshirën t’i bashkohet platformës CCPM (Continuous Capacity and Performance Monitoring), e cila përdor teknologjinë për mbledhjen automatike të të dhënave operacionale.

Mundësimi i fluturimeve transatlantike, përveç infrastrukturës aeroportuale për të cilën po punohet, kërkon koordinim midis Autoritetit të Aviacionit Civil, FAA-së dhe TSA-së. Sot, AAC mirëpriti vizitën e ekipit të TSA-së për këtë qëllim. Në takim u diskutua edhe për projektin “Balkan Spirit”, i financuar nga Homeland Security dhe Departamenti i Shtetit, i cili ka për qëllim rritjen e kapaciteteve në fushën e sigurisë në aviacion.